Type to search


Свет

Цените на нафтата не престануваат да одат нагоре: Еве колкав е растот за четири месеци

Share


На светските пазари цените на нафтата бележат раст и минатата недела, шеста недела по ред.

Тоа значи дека достигнале највисоки нивоа од ноември минатата година, што е најмногу последица на намалувањето на понудата од Венецуела, Иран и Либија. На пазарот во Лондон цената на барелот минатата недела порасна за 1,7 отсто, на 71,55 долари, додека на американскиот пазар барелот поскапел за 1,30 отсто на 63,89 долари.

Цените на нафтата од почетокот на годината се зголемија од 30 отсто и ги достигнаа најголемите нивоа од почетокот на ноември минатата година, за што најзаслужно е намалувањето на производството од страна на ОПЕК.


Опек, заедно со група независни произведувачи на чело со Русија, се придружува на минатогодишниот договор за намалување на производството за 1,2 милиони барели дневно, што ги поддржува цените.


Цените на нафтата растат и поради санкциите на САД на нафтениот сектор на Иран и Венецуела, што дополнително ја ограничува понудата на пазарот.

Понудата на пазарот би можела да биде намалена поради судирите во Либија помеѓу меѓународно признатата либиска влада и бунтовнички сили.

Шефот на либиската национална нафтена компанија кон крајот на минатата недела предупредил дека обновените борби би можеле целосно да го блокираат производството на сирова нафта во таа земја.




Leave a Comment

Your email address will not be published. Required fields are marked *