Type to search


Убавина и Мода

Македонец избран за најубаво дете во светот

Share


Минатата недела во Банско, Бугарија, се одржа детскиот избор за убавина, „Little Miss&Mister Galaxy 2019“, на кој во неговата возрасна категорија победи осумгодишниот Садат Јакупи, кој ја претставуваше нашата држава.

Овој голем успех тој го зачини со уште една титула „Top Model Galaxy 2019“.

Малиот Садат е член на Модното студио Црнокрак и заедно со неговите родители и со Мики Црнокрак претстојуваа седум дена во Банско каде со другите учесници од многу држави од целиот свет се подготвуваа за големото финале.

На изборот и Мики Црнокрак доби титула за најдобар национален директор и тоа трета година по ред. Тој ни изјави дека е прекрасно чувството да се претставува Македонија надвор од границите, а кога при тоа ќе се вратите дома со титули, задоволство е навистина комплетно.

Нашиот Садат заслужено ја освои титулата, првенствено со својата убавина и шарм, на кој не останаа рамнодушни сите членови на жирикомисијата.

– Би сакале во оваа прилика да се заблагодариме и на „Ансамбл Кочо Рацин” од Скопје, кои ни обезбедија народна носија за Садат, во која тој меѓу другото се претстави на овој избор, како и на ЈП Паркови и Зеленило Скопје, кои исто така ни помогнаа при подготовките за овој престижен интернационален детски избор за убавина.





Leave a Comment

Your email address will not be published. Required fields are marked *